Tuáhtár vuástáväldim
Ääigiväridem tuáhtár vuástáväldimân
Tuáhtár lunne elimeh láá heivitmist muuneeld. Äigi vuástáväldimân väriduvvoo vu-vá tme 8.15-15.30 jieijâs kuávlu išedeijest. Uđđâsistelimist puáhtá sooppâđ vuossâmuu eellim ohtâvuođâst.
Tuáhtár lunne elimist piärroo máksu. Aanaarlii ihemáksu tiervâsvuođâkuávdáštuáhtár lunne lii 22 € / ihe. Olgokieldâlii eellimmáksu tiervâsvuođâkuávdáštuáhtár lunne lii 11 € / eellim. Máávsuh iä perruu vuálá 18-ihásijn. Olgoeennâmlijn máksu piärroo sierânâs ravvuu mield.
Kocceemmáksu (15 €) piärroo tuáhtár lunne elimist argâpeivij tme 20-08 sehe lávurduvâi já pasepeivij sehe argâpoosij, ij kuittâg vuálá 18-ihásijn.
Maasâdkesihánnáá vuástáväldimääigist piärroo 27 € (AMA 2 §), máksu piärroo tuše 15-ihheed tiävdám ulmuin.
Tuáhtár vuástáväldim
Vääldi fáárun puácuvuođâtáhádâskoortâ, puoh reseptijd já máhđulijd áášán lohtâseijee eres pápárijd, om. vorrâteedâkoortâ. Jis vääivih já tavdâmeerhah láá maaŋgah, muuneeld čaallum muštolisto lii šiev iše.
Iästu šodâdâijn vuástáväldimääigi maasâdkeessim keeppid eres pyeccei vyerdimaaigijd