Sosiaal- já tiervâsvuođâtooimâ kuávluovdâsvástádâspalvâlusah
Váldutiervâsvuođâsajattâh lii Avelist Sairaalantie 20:st. Puhelinkuávdáš (687 511) lii áávus argâpeivij tme 8-16. Äššigâšah pivdojeh kevttiđ njuálgu numerijd máhđulâšvuođâidis mield.
Aanaar kieldâ sosiaal- já tiervâsvuođâtoimâ lii sirdâšum 2.5.2002 rääjist kuávluovdâsvástádâslâš tooimân. Nubástus uáivilin lii pyerediđ kieldâlijd uáivildum palvâlusâi finnimvuođâ.
Kuávlujuáhu lii uđâsmittum 1.3.2008 čuávvoht:
Viestâr 1 (oovdiš kuávlu 1 + Mutamaa)
Viestâr 2 (oovdiš kuávlu 2-3)
Nuorttâ 3 (ovdiih kuávluh 4-5 sehe kuávlust 7 Suáluičielgi kuávlu)
Nuorttâ 4 (oovdiš kuávlu 6 sehe kuávlust 7 Saarineitamo, Kerttuoja sehe Tiärmáá kuávlu).
Aanaar kieldâ lii juohum kuávloid, main juáhhást tuáimá jiejâs nomâttum pargojuávkku. Pargojuávkun kuleh tuáhtár, tiervâsvuođâtipšoo, sosiaalpargee, tiervâsvuođâkuávdášišedeijee já paikkipalvâlempargee. Tiervâsvuođâtipšoi uásild sierânâs tooimah láá ain-uv škovlâtiervâsvuođâhuolâttâs já enniravviittâh sehe spesiaalpargei uásild psykologi. Kieldâliih uážžuh palvâlusâidis jieijâs kuávlu pargojuávhust. Fastâpargei meddâlorodijn palvâlusâi pyevtitmist västideh nomâttum väriulmuuh. 2.5.2003 rääjist lii puáhtám eromâš tehálâš suujâ keežild toohâđ molsâucâmuš njunoš tuáhtárân. Koskâpuddâsávt puáhtá kieldâlâš kuittâg ain ášástâllâđ eres-uv ko jieijâs tuáhtár lunne (om. nissoonpyeccee nissoontuáhtár lunne). Tuáhtárij já tiervâsvuođâtipšoi vuástáväldimsaijeen tuáimá Avveel kuávlust tiervâsvuođâkuávdáš, Aanaar markkânist, Njellimist já Čevetjäävrist ovdii vyevi mield tiervâsvuođâtááluh.
Virgeääigi ulguupiälááš kocceem tiervâsvuođâkuávdáá seŋgâuásáduvâst, puh 687 511.