Ravviittâhpalvâlusah
Estim- já peerâvuávám
Äpittisvuođâ estim kyeskee aašijn váldoo
ohtâvuotâ jieijâs kuávlu tiervâsvuođâtipšoi,
ääigiväridem suáittuääigi argâpeivij tme 9-10.
Ennivuođâravviittâh
Puohâin äpittisvuotân lohtâseijee aašijn
váldoo vuosâsajasávt ohtâvuotâ Avelist ennivuođâravviittuv
tiervâsvuođâtipšoi.
Epitilálâšvuođâst iho, ehidist já oholoopâi
puáhtá väldiđ ohtâvuođâ koccee tuáhtárân puh.
687 511 tâi koccee pyecceetipšoi 040-7709187.
Párnáiravviittâh
Párnái tiervâsvuođâtarkkuumijd kalgeh vaanhimeh
tiiláđ jiejah ääigi mielâstubbooht 1 mp pvdil párnáá
šoddâmpeeivi, jiejâs tiervâsvuođâtipšoost tme 9-10.
Ko páárnáš puáccáá, puáhtá čäälliđ tuođâštus,
jis tiervâsvuođâtipšoi lii valdum ohtâvuotâ siämmáá peeivi.
Mielâtiervâsvuođâ- já peerâravviittâh
Mielâtiervâsvuođâ- já peerâravviittâh palvâl kieldâlijd
maaŋgâlágán šoddâmân já ovdánmân, ulmui koskâsâš
koskâvuođáid já psyykkisâš pyereestvajemân lohtâseijee koččâmâšâin.
Ovdâmerkkân puávtáččij mainâšiđ párnái já nuorâi lattiimân
lohtâseijee čuolmah, parâkoskâvuođâ kriisih, jieijâs eellim sundášumán
já valjiimijd lohtâseijee kriisih, ohtuuvuođâ já atâštâs tubdâmušah,
psyykkisâš puácuvuođah, uáiváditteečuolmah jna.
Mielâtiervâsvuođâ- já peerâravviittâh addel meiddei torjuu
já lii ohtsâšpargoost párnáiravviittuvváin, peivitipšoin, škovlâiguin,
sosiaaltoimâttuvváin, tiervâsvuođâkuávdáá polikliinikkáin
já seŋgâuásáduvváin ye. virgeomâhijguin.
Psykiatri vuástáväldim lii suullân ohtii mánuppaajeest.
Mielâtiervâsvuođâ- já peerâravviittuv palvâlusah láá nuuvtá. Puh. 687 511