Fysioterapia
Toimâjuurdân lii tiervâs já pyeccee ulmui vuáđulihâdem já toimânaavcâ alnetoollâm sehe ovdedem. Vajoravviittâhtijpâsâš stivriimân já ravviimân puáhtá ucâluđ tuáhtár vuolgâttâspááppárttáá-uv, mut ääigi kalga väridiđ. Tiipšon pesâmân tarbâšuvvoo tiervâsvuođâkuávdáá jieijâs tuáhtárij, Oulu ollâooppâtlâš pyecceiviäsu tâi Laapi kuávdášpyecceiviäsu fysioterapiavuolgâttâspäävir. Vuolgâttâspápárin tiervâsvuođâkuávdáást tuáimá šleđgâlâš puácuvuođâmuštâlus fysioterapialostâ. Äššigâš kalga jieš väldiđ ohtâvuođâ fysioterapian ääigi väärridmân.
Ääigiväridem já puhelinravvim vu-vá tme 11.30-12.30, puh. 687 528. Ravvim já juávkkutilálâšvuođah láá nuuvtá, mut tipšo ij. Taan tovváá 6 €/häävild.
Juávhui älgimist almottuvvoo páihálâšaavisist čohčuv. Kesimánuppoojij ääigi ij lah juávkkutoimâ. Niske-, čielgi- já reumajuávhuh čokkâneh tälvimánuppoojij ääigi.
Išeriäidui luoihâttem
Išeriäiduh luoihâttuvvojeh uánihis- já kuhesáigásâš kiävtun fysioterapia uásáduvâst. Kuhheebáigásâš tâi pisovâš kiävtun om. jorreestovli puáhtá pyeccee/uámihâš väldiđ táárbu mield ohtâvuođâ fysioterapiauásáduvân vu - vá tme 11:30-12:30 puh 687 528.
Išeriäidu kalga macâttiđ poossum/putestum häämist tállán, ko kevttimtárbu nohá.
Taalhâslâš vajoidittem
Vajoidittemtáárbuin ráđádâlloo jieijâs tuáhtáráin já fysioterapeuttijn. Vajoidittem lii uási pyeccee tipšo, ko pargo- tâi toimânahcâ lii aštum. Vajoiditmân pyehtih kuullâđ el. fysioterapia, sárnumterapia, išeriäiduhuolâttâs. Vajoidittemstivrim, vuáháduttemvalmim já vájoidittemlájádâstipšo kuleh meiddei taalhâslâš vajoiditmân, mut olášuttoo eres saajeest.