Eres palvâlusah
Tuáhtártuođâštusah
Eres ko kocceemtábáhtussáid lohtâseijee tuáhtártuođâštusâi várás kalga ain väridiđ vuástáväldimääigi. Tuođâštusah táválávt ain mäksih. Vuálá 10-ihásii párnáá kivkked tábáhtum puácuvuođâst, finnee aitârdeijee tuođâštus tiervâsvuođâtipšoost, škovlâtiervâsvuođâtipšoost tâi tárbulii tipšoosteellim ohtâvuođâst tuáhtárist.
Reeseept uđâsmittem
Lii avžuuttettee, et resepteh uđâsmittojeh jieijâs tuáhtárist, išedeijest tâi tiervâsvuođâtipšoost. Toh uđâsmittojeh jo-uv vuástáväldim ohtâvuođâst tâi taid puáhtá pyehtiđ sierâ uđâsmittemnáál tiervâsvuođâkuávdážân. Valmâš reseptijd puáhtá viežžâđ tolemužžân 2 argâpeeivi keččin tiervâsvuođâkuávdáá ravviittâsâst.
Juávkkutarkkuumeh
Systemaatlâš juávkkutarkkuumeh uárnejuvvojeh ohtii ivveest: njammapurâštavdâsillim ađai mammografia kiđđuv já kuáhtučevepurâštaavdâ sillim ađai juávkkupapa čohčuv. Ulmuuh, kiäh láá tutkâmvuárust, finnejeh persovnlâš koččom.
Päikkipyecceetipšo
Päikkipyecceetipšo uáivilin lii pääihist ässee puárrás tâi vádulâš ulmuu tipšo ornim meriááigán tâi kuhheeb ááigán tipšovuávám já tuáhtár miärádâs vuáđuld.
Jieškote-uv kuávlu jieijâs tiervâsvuođâtipšoo tipšo meiddei päikkipyecceetipšo.
Ovtâskâstuáhtár meridem tutkâmušâin piärroo sierânâs haddelisto miäldásâš máksu.
Peivikirurgia
Vuástáväldim pyecceetipšoo tipšo LKP vuávám sytostaattipšoid sehe valmâštâl čuopâdâsân mannee pyecceid. Ääigiväridem puh 687 545.
Puárásmâm já kevtihánnáá pááccám talkkâseh
Torvolâšvuođâ suujâi keežild kalga puáris já kevtihánnáá pááccám talkkâsijd toimâttiđ päikkituálust meddâl. Taid puáhtá tuálvuđ Avveel apteekkin, mii ana huolâ toi tuššâdmist. Päikkituáluid pááccám talkkâsij nuurrâm tábáhtuvá meiddei probleempasâttâsâi nuurrâm ohtâvuođâst Aanaar kieldâ čäcilájádâs vuárhást Kaamostiest argâpeivij virgeääigi puh. 687 262 čäcilájádâs vuárkkátipšoo.
Veteraanvajoidittem
Veteraanvajoiditmân occoo ohtii ivveest. Eidusâš uuccâmääigih almostittojeh páihálâš aavisijn algâivveest. Uuccâmluámáttuvâid finnee tiervâsvuođâkuávdáást já kieldâvirgáduvâst.
Sárnumterapeut
Sárnumterapeut tuáimá Ruskatie viistijn Ruskatie 19, puh. 687 209 virgeääigi.
Taaksi já eres sierânâsfiävrui kevttim
Tuáhtár čáálá mätkisajanmáksutuođâštus tuše talle, ko puácuvuotâ lii lamaš suijân fievridmân. Sajanmáávsuin meerrid AIL páihálâštoimâttâh. Epivises tábáhtusâin kannat sooppâđ muuneeld jo-uv tuáhtáráin tâi AIL páihálâštoimâttuvváin. Kuittâ sierânâsfiävru kevttimist tarbâšuvvoo sajanmáávsu usâdijn. Vuástáväldimelimist peerrum máávsust finnejum kuittâ lii meiddei eellimtuođâštus. Váldunjuolgâduslávt tuáhtár já tipšoo vuástáväldimân puáđidijn kiävttojeh almos jotteemfiävruh. Äigitavluid finnee čujottâsâst www.matkahuolto.fi