Kieldâlaavâ 16 § mield kieldâ meerrid jieijâs haldâttuv orniimist kieldâlaavâst meridum vuovijn. Haldâttuv ornim várás váldustivrâ tuhhit tárbulijd jođettemnjuolgâdusâid, main merideh kieldâ sierâ virgeomâhâin sehe tai tooimâst, toimâvääldi jyehimist já pargoin. Kieldâ haldâttâh lii uárnejum haldâttâhnjuolgâdussáin.

 

Aanaar kieldâ haldâttâhuásádâh västid ovdâsajasávt váldustiivrâ já kieldâstiivrâ tarbâšem já kieldâ ohtsijn haldâtlijn já eres palvâlusâin. Haldâtliih ohtsiih palvâlusah láá ovdâsajasávt kieldâlii demokratia olášumán lohtâseijee já tom tuárjoo ekonomia- já toimávuávám já eromâšávt konsernruttâtuálulopâttem stivrim sehe váldustiivrâ já kieldâstiivrâ tarbâšem toorjâpalvâlusah. Haldâttâhuásáduvvâst láá huolâttâm meid kieldâ ohtsii tiätuhaldâttuvvâst já pargosuojâlmist. Kieldâässei torvolâšvuotân já pyereestvajemân lohtâseijee vuávám oohtânheiviittem kulá haldâttâhuásáduv pargoid.